Sa inisyatibo ni Mayor Liberato Santiago ng Abucay, at batay na rin sa kahilingan ng mga mangingisda, agad na umaksyon si Municipal Administrator Engr. Estoy Vergara upang hukayin ang mga kailugan hanggang sa mga coastal areas dahil masyado nang puno ng buhangin ang mga ilog lung kayat hindi makadaong ang mga bangka ng mga mangingisda para dalhin ang kanilang huli sa fishport.
Sa tulong ng opisina ng Management Information System, Justine Rosanto, System Administrator, Wilfredo Flores ng FARMC at Raymund Bacani, municipal trash-boat operator ay nakuha nila ang imbentaryo ng kabuuang bilang ng tahong growers sa Abucay na umabot sa 205.
Kaugnay nito, pinakuha sila ng mga business permit sa barangay gayundin sa munisipyo, kailangan din umano na alam ng DENR, kung ilan ang gagamitin nilang mga kawayan at iba pang mga alituntunin.
Dahil naayos na ang problema at organisado na ang mga magtatahong, naging daan din ito upang makasunod sila sa alituntunin ng DENR hinggil sa regulation of waste production and aquaculture zone sa bayan ng Abucay.
The post Magtatahong sa bayan ng Abucay, organisado na appeared first on 1Bataan.
